الرد علي بياع مناديل الورق
******************************************************
ماتزعلش يابياع مناديل الورق
اذا كنت بتبيع. مناديل الورق
فا ليك الكرامة وليك الشرف
علي الاقل احسن. من غيرك
اللي بيمد ايده و. يستلف
ماتقولش علي عمرك انه اتسرق
يكفيك بتنام مرتاح من غير قلق
اكلك كله حلال جاي من العرق
************************
ماتزعلش يابياع مناديل الورق
لما شوفت. كلامك عجبني
رديت عليك من جوه قلبي
انت مش اتفه من العدم ياابني
انت مثل عظيم لكل ابن وابني
بلاش كلامك اللي يوجعني
خليت دموعي علي الخد تجري
اخص عليك ياللي ماتبص وتدي
************************
ماتزعلش يابياع مناديل الورق
نظرة الجهله لاطفال الشوارع قرف
في حلول كتيره بس يكون لنا هدف
اهم حاجة الضمير يا اهل الترف
ولا احنا بتوع الاحتفالات والفرح
واليتيم مش عاوزين يتيم ينجرح
لو عملنا بوصية نبينا حاله ينصلح
ولما تشوفه فرحان قلبك ينشرح
**************************
ماتزعلش يابياع مناديل الورق
ماتقولش علي الشوارع بيتك ومطرحك
ياما ناس عايشه في بيوتها وكانها مطرحك
كل واحد سارح في همه مش عاوز يعرفك
الدنيا اكبر همه بتمرجحه زي ما بتمرجحك
الكل فيها سواء بقول الكلام ده عشان اريحك
لابس هدوم جواها بلاوي محتاجه شفقتك
لسه هاتزعل يابياع مناديل الورق من شغلتك
كلمات بسيوني صديق
