مجلة سماء الإبداع للشعر والأدب الإلكترونية كتب الشاعر حربي علي قصيدة بعنوان كثر السفر

أغنية
(كترالسفر)

كتر   السفر     غير   فيك
نساك أيامي  وخد لياليك
والحب كان لسه ف ربيعه
جي النهاردة بتقول  تبيعه
تبيع  قلب  لساه  شاريك؟

إسأل
المينا    إسأل  شواطيها
هناك
ع المينا        أنا بستناك
بلهفة
بلف      وأدوور حواليها
ياخدني
الشوق   أعيش ف هواك
ويا 
البحر  أجيب في سيرتك
فوق 
الموج  أرسم في صورتك
وأسأل القمر يشاورلي عليك
كتر  السفر     غير   فيك

إسأل
القمر     والليل  ونجومه
إسأل
الليالي      وأيام  الشقى
إسأل
قلب        عاش  لهمومه
كل  
همه         يشوف  اللقى
ياما
لحبابك        عدى  جبال
ياما
لوصالك     عاش   رحال
يوصف
في  جمالك   وسحر  عنيك
كتر  السفر      غير  فيك

ياحبيبي
قولي             فين  قلبي؟
زي 
الطير        راح   ولاجاني
راح
يحكي       عن قصة حبي
وكلامه
ع الشوق   جاني   وبكاني
ومشيت
ليالي         بقلبي  الخالي
أسأل
طيفك         وأكلم  خيالي
وأسأل  الرمل  فين أراضيك؟
كتر  السفر       غير  فيك
نساك  أيامي  وخد لياليك

كتبتها
وأنا عندي 19 سنة
أنااا
  حربي علي
شاعرالسويس

مجلة سماء الإبداع للشعر والأدب الإلكترونية كتب الشاعر سيد الاشول ابو بلال قصيدة بعنوان عشقتك

** اغنية ** عشقتك **
** كلمات **
العمدة ***** الشاعر
سيد الاشول ابو بلال
------------ عشقتك -------------
عشقتك ومن قلبي حبيتك
ومن عيون الحساد دارتك
يا اللي من حناني راويتك
سجنتني بمحرابك وما أزيتك
عشقتك ومن قلبي حبيتك
قرب عليه واسقيني مره حنانك
الحب جارف وقلبي في ميزانك
نفسي تضمني يوم في أحضانك
كفاياك تقل عليه وكترة حرمانك
عشقتك ومن قلبي حبيتك
لحظة واحدة با القرب من الحبيب
تخلي الدنيا نور وشمسها ما تغيب
يا حبيبي انت القمرما كفاية تعذيب
حن مرة بنظرة متبقاش عني غريب
عشقتك ومن قلبي حبيتك
راح افضل هنا دايما علي الباب
انت اللي ليه وبس أعز الاحباب
منتظر طلعتك مهما نورك غاب
حتي لوسال دمي وغرق الاعتاب
عشقتك ومن قلبي حبيتك
----------------------------------
تمت بحمد الله
اليوم الخميس الساعة 45 \ 5 صباحا
17 من محرم 1440 هجرية
الموافق 27 - 9 - 2018 ميلادية
العمدة ***** الشاعر
سيد الاشول ابو بلال

مجلة سماء الإبداع للشعر والأدب الإلكترونية كتب الشاعر محمود عبد العال قصيدة بعنوان سهر الليالي

شعر غنائي
بعنوان سهر الليالي

سهرنا الليل والليل الليل سهرناه
                                  وقولنا أحلى كلام عمرنا ما قلناه

قولنا هنبنى عشنا بحنان قلبناه
                                  كل حتة بتنده بحروف اسمناه 

زاد العذاب وده نتيجة حبناه
                                  ولما فرقتك كنت أغلى معندناه

وتاهت بينا تاهت تاهت راحتناه
                                  ولا يوم نسيت يا غالى محبتناه

غالى عاليا والله والعالم ادرااه
                                  ومرت سنين ويا الأنين بعنياه

قابلتك وشوفت الفرحة تيهاه
                                  يا نور عنياه نبضك جرح فياه

وسهرنا سهرنا الليل سهرناه
                           بقلم محمود عبدالعال

مجلة سماء الإبداع للشعر والأدب الإلكترونية كتب الشاعر حربي علي قصيدة بعنوان بحب مصر

أغنية
(بحب مصر)

بحب مصرومصر في كياني
بلدي مصر .  حبي  الأولاني
عشت فيها  شربت ___ آها
سافرت بيها _  رنت خطاها
أم الدنيا ___  وماليها  تاني
بحب مصرومصر في كياني

بحبك. ومين ميحبش مصر؟
غرام قلبك   عاصرني  عصر
زرع  أرضك __  بنالي  قصر
صونت عرضك  جابلي  نصر
قلب كمل  __   جمال الروح
حبيبة .  تزعل تطبب جروح
وأم  بتضم  _  إيدها الأماني
بحب مصر ومصر في كياني

بعدت عنك  __ غصب  عني
دا القلب منك  _ ياحتة مني
شوقي ليكي _  نيل واصلني
جايب أمل _ بحاجات  تغني
آثار صنعت  م الخير حضارة
آمال بناهاا  _ مصري  بمهارة
وأهرام. وجندي مات عشاني
بحب مصر ومصر في كياني

فاضل في قلبي _ دقة ليكي
بعمره  كله  __     مشتريكي
لحضن دافي _  ينده عليكي
خلتني .     دايب مشتهيكي
عاشق حزين _   بس شايفك
عروسة حلوة   القلب عارفك
من يوم ميلاده يبعت_تهاني
بحب مصر ومصر في كياني
بلدي مصر .    حبي الأولاني

(مصر)
حربى علي
شاعرالسويس

مجلة سماء الإبداع للشعر والأدب الإلكترونية كتب الشاعر ماهر محمود قصيدة بعنوان بعد غيابك

.بعد غيابك.
بعد غيابك عني ماطال.
بعد ايام وليالي طوال....
نفسي اسأل من قلبي سؤال.
كنت فاكرني في ايام بعدك.
ولى ليالي ماجيت علي البال.
بعد غيابك.
تفرق عندي ان كنت فاكرني.
وان في قلبك كنت ناطرني
بعد ليالي الصبر هاجرني. ....
وبعدك عني كان المحال........
بعد غيابك.....
أنا مش شكه فيك وبخون.
انا بسؤالي عايزه اطمن.......
ان مكاني في قلبك لسه......
وان هوايا عليك بيهون........
بعد غيابك......
كنت الليل بسهر ه علشانك....
كنت اشكيله قسوة حرمانك
كان الصبر في بعدك حيلتي.
ولايوم حد شغل مكانك........
بعد غيابك......
اغنيه كلمات ماهر محمود.

مجلة سماء الأبداع للشعر والأدب الألكترونية كتب الشاعر أشرف فؤاد السمادونى قصيدة بعنوان وصاني أبويا

من شعبيات ((( أغانى الجيل الذهبى ))) كتابى الأخير
..........................((( وصانى أبويا )))...............
* الموال
*************
من بعد أبويا يا ناس
وسطى إنقسم منى
الأب ذى الماس
برضه الدهب أُمى
وصانى أبويا عليها
وإخواتى من بعده
إفدى بحياتك عِنيها
والحِمل كون قده
خليك حنيّن عليها
ولأخوك تكون سندُه
******************
* الأُغنيه
************************- 1 -
وصانى أبويا وقال ليَّا
ذى ما شلتك ف عنيَّا
تُحط أُمك جوه عنيك
الدم عُمره م كان ميّه
دا الدم يا ابنى مهوش ميَّه
************************- 2 -
هىَّ إللى بعدى بقيالك
وتنشغل على أحوالك
تكون لها سند وأمان
ذى ما كنت ف يوم ليَّا
************************- 3 -
وإوعاك تقصر ف إخواتك
هُمَّ إللى بعدى ف حياتك
خليك سند أوى ف الشِده
وإدعى معاهم بقى ليَّا
***********************- 4 -
إياك تفرط ف عبادتك
وتنشغل عنها بوقتك
دى دُنيا زايله ولهايّه
تقدر عليها بهدايتك
********************************
الأديب الشاعر / أشرف فؤاد السمادونى

مجلة سماء الأبداع للشعر والأدب الألكترونية كتب الشاعر رمضان الخربوطلي قصيدة بعنوان حساك

حساك
شعر غنائي
رمضان الخربوطلي
٢٠١٨/٩/١٣
.........................
شئ يسعدك يسعدني
شئ يألمك يألمني
ماانت روحي وحته مني
ساكن في قلبي
وهواك في النني
................................
حتى وانت بعيد
ببقى حاسه أكيد
حزين حبيبي والا سعيد
ببقى لحظه بلحظه معاك
حساك شايفاك لامساك
طايره في سماك
عاشقاك حباك سامعاك
دايبه في هواك
.............................
شئ يسعدك يسعدني
شئ يألمك يألمني
ماانت روحي وحته مني
ساكن في قلبي
وهواك في النني
................................
رمضان الخربوطلي

مجلة سماء الأبداع للشعر والأدب الألكترونية كتب الشاعر سامح سورسي قصيدة بعنوان جرح حبيبي

جرح حبيبي

سامح سورسي

( هذه أغنيه طُلِبَتْ مني بمواصفات خاصه ، أهم هذه المواصفات ، ان تكون الكلمات لمطربه وليست لمطرب ،

ثانيا الكلمات تحكى عن جرح
الحبيبه من المحبوب ، ثالثاً وهو الأهم ألا تحوي كلمات الأغنيه ثلاثة أحرف وهم الثاء ، السين ، الصاد ) فكتبت هذه الكلمات بعنوان ،،،

جرح حبيبي

جرى لك ايه يا عين
هو انت هتبكي بجد ؟؟؟؟؟

دانت عمرك يا عين
ما بكيتي ف يوم على حد

يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه

أيام بتجري وبتعدي
وزمان دوار ولا بيهدي
وحبيبي فايتني هنا لوحدي

ولا عارف إن أنا عاشقاه

يا حنينه يا عين إبكي عليه
يا خوفي يانا م الجرح اللي فيا
دا ياما الأحزان لعبت بيا
ولا لاقيه دوا ولا حنيه

يا رُوْحي رُوُحي لغرامي
قوليله فين هو هيامي
عيشني حياتي ف أوهامي

وفايتني بأمل إني القاه

يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه

فايتني عايشه بأحزاني
ولا ليه حبيب غيرك تاني
ياللي انت جارحني بحرماني

يا قلبي ، طاب ليه تهواه ؟

يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه

الحزن يا عالم بقى موالي
أنام وأقوم كده على حالي
جراح وآلام وفرهالي

خلاني عاشقه لقولة آه

يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه

روح يا شيخ منك لله
حبيتك وهواك كان عمري

أدعي عليك تعيش الآه
وتشرب منها المرار زيٌي

يا حنينه يا عين إبكي عليه
يا خوفي يانا م الجرح إللي فيا
دا ياما الأحزان لعبت بيا
ولا لاقيه دوا ولا حنيه

ســـــــــــــــــــــامح سورسي

مجلة سماء الأبداع للشعر والأدب الألكترونية كتب الشاعر ماهر محمود قصيدة بعنوان دنيا الوجع

.دنيا الوجع.
أه يادنيا أكتر
ما فيكي الوجع.
تعب ومشقه.
وخوف وهلع.
بندور نلف
في سواقيك.
حبه تخدينا لفوق.
وحبه نشوف البدع.
ساعة ما تدينا
الكل فيكي جدع.
ولما بتيجي علينا.
اقرب ما لينا
بيزيد في قلوبنا الوجع.
اه يا دنيا.
ببكي بدل الدمع دم
اشكي ظلم الناس
ولا ماعدش يهم.
وايه يفيد العتاب.
في ناس عاشقه الظلم.
اه يا دنيا.
وهبنا ياما وادينا.
كل اللي كان في ايدينا.
بالحب ياما روينا
كل اللي كان حولينا.
ولما جت علينا
الكل لينا نسينا
اتارينا كنا ليهم
غنيمة وفيها الطمع.
اه يا دنيا الوجع.
اغنيه كلمات ماهر محمود.

مجلة سماء الأبداع للشعر والأدب الألكترونية كتب الشاعر ميدو أبو هريدي قصيدة بعنوان من بين البنات

من بين البنات....... ندهني...........من بين البنات
وخطف قلبى... وزار اهلي...........من بين البنات
حبيته اناااااا.........وهويته اناااااااا
❤❤❤
من يومها الهوه سكن قلبى..............من يومها
والكحل ملا ...والله رمشي...........والكحل ملا
حبيته اناااااااا........وهويته اناااااااا
❤❤❤
من يومها .....عزالي لموني..............من يومها
وانا شيلاه ....جوه عيوني............أيوة شيلاه
حبيته اناااااا..........وهويته اناااااااا
❤❤❤
من يومها........ قمري عالي...............من يومها
والله ما غاب... عن خيالي...................ما غاب
حبيته اناااااا........وهويته اناااااااا
❤❤❤
من يومها... الفرح زار درنا...............من يومها
وجوزني.. وخلص مشورنا......وخلص مشورنا
حبيته اناااااا.........وهويته اناااااااا
❤❤❤
من بين البنات....... ندهني.......... من بين البنات
وخطف قلبى.... وزار اهلي..........من بين البنات
❤❤❤
الحكاية بنت من الريف حبت حب شريف
فا أنا كتبتلها ..........كلمات حسب الرواية
❤❤❤
كلمات الشاعر الغنائي / ميدو أبو هريدي
لحن وغناء الشاعر / ميدو أبو هريدي

مجلة سماء الأبداع للشعر والأدب الألكترونية كتب الشاعر رمضان الخربوطلي قصيدة بعنوان الدنيا يا جمالها معاك

الدنيا ياجمالها معاك
شعر غنائي
رمضان الخربوطلي
..................
يا حبيبي يابو طبع ملاك
أنا أنا .........أنا أنا بهواك
دحياتي بتحلى بوجودك
والدنيا ياجمالها معاك
............................
أنا قلبي اتعود على قربك
وعاهدتك أمشي على دربك
وأحقق أحلامي معاك
..............................
يا حبيبي دهواك مش عادي
يا حبيبي زادي وزوادي
ووجودك فرحي وأعيادي
والدنيا ياجمالها معاك
...........................
رمضان الخربوطلي

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان كنت زمان

موال
(كنت زمان)

كنت
زمان :
أشتاق وأسهرلك للصبح
عريس
بالفيس
وإنت فنان .  ع المسرح
هجرتني
ليه وسبت لي .    جرح؟
تصدق؟
بشوفك . بنفس المطرح
لا
بشتاق
ولابحزن ولاااا .    بفرح

  حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان الشوق

موال
(الشوق)

وفضلت
واقف مستني .
على شطك .   يانيل

عطشان
والشوق .
جوه مني  أكبر دليل

قلت
أروي جروجي .
بروحي وأشرب قليل

شمرت
كمي بكفي .
شربت لي .        بير

حسيت
بمر الوجع .
تعبني . جوه الضمير

لا
لقيت
ف اليد كفي .
ولا لقيتك  إنت النيل
وعجبي

  حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان مشاعري

موال
(مشاعري)

إكتب
إسمي ف (جوجل)
وشوف
مشاعرأبوك  يابني

دا أنا
حبي للناس  والبلد
لو إتصب؟
تأسس عليه  وتبني

يعجبني
فيك (القلب)
ولوتقلدني/تعجبني

عارف؟
لو تشترك .    معايا
(ف الحب)
تبقى بصحيح  إبني

كلمات
حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان مشاعري

موال
(مشاعري)

إكتب
إسمي ف (جوجل)
وشوف
مشاعرأبوك  يابني

دا أنا
حبي للناس  والبلد
لو إتصب؟
تأسس عليه  وتبني

يعجبني
فيك (القلب)
ولوتقلدني/تعجبني

عارف؟
لو تشترك .    معايا
(ف الحب)
تبقى بصحيح  إبني

كلمات
حربي علي
شاعرالسويس

مجلة سماء الأبداع للشعر والأدب الألكترونية كتب الشاعر نور الحمصاني قصيدة بعنوان خلص الكلام

اغنية      ♥♡♥خلص الكلام♥♡♥
من النهارده خلص الكلام
والكدب بأن
أنا قلت ياما يكفى البعاد
وبلاش عناد
بيجيب بعاد
وكتر العتاب
يقتل كمان كل الوداد
بأيديك يا ظالم
طعنت قلبى
ودفنت حبى
وما هان عليك
تاخد بيدى
هروح بعيد واخد
معايا حبك وحبى
بقي كل ذنبى إنى بحبك
وقلبى عاش مخلص لقلبك
خلص الكلام من يوم ما رحت
عنى وغبت حرمت عينى
حتى المنام
مش كفايه إنك بكيت عيونى
وكانوا يلومونى لوشفت
يوم من إللى فات
كانت ما بينا كتير حاجات
وبكلمه منك
خلص الكلام
                  بقلمى/نور الحمصانى

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان ياريت

أغنية
(ياريت)

عشت في كلمة هيه ياريت
ساكن فيها الكلمة .  هويت
حبيت ضحكة م الإحساس
جوه   وبره    قلوب  الناس
بس . ياريت كانت إخلاص
كانت  جات  زي  ماإتمنيت
عشت في كلمة هيه ياريت

كانت   كلمة   ولسه   معايا
جوه ف قلبي عاملة حكاية
عشت  فيها  بقلبي  الطيب
كتبت حروفها وكنت قريب
لقيت الحب يبكي _ يدوب
خلاني أقول أنا ليه حبيت؟
عشت في كلمة هيه ياريت

حبيت مرة .  الحب وناسه
دوبت الحب وجبت أساسه
علمت  الناس    تحب  إزاي
معلمتش نفسي أكون نساي
ضيعت كل  اللي  كان وياي
ورجعتي يانغمة لحد البيت
عشت في كلمة هيه  ياريت
ساكن فيها الكلمة .   هويت

كلمات
حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان غاب يومين

أغنية
(غاب يومين)

غاب يومين .  والتالت جاني
شفته  جاني .      إتهز  كياني
لقيت نفسي     حلوة  بتجري
نادت  قلبي /  صحت   عمري
خرجت .    م العصر الحجري
دخلت وريدو  .      وشرياني

قلتله .     كنت  فين   ياعنية
قالي الصحة .   بعافية شوية
قلت .   ألف   سلامة    عليك
ياريتني   عيون  أتوجع  فيك
قالي       بعد الشر       عنيك
ولقيت روحي    رجعت  تاني
غاب يومين .   والتالت جاني

جاني  الطيب .    نور / نوور
نوره   زاد  القلب .       شعور
خدنا / إدينا   في أحلى كلام
عشت غرام.   ولا في الأحلام
شفت  معاه .       أجمل  أيام
شفت بعيني حاجات عجباني
غاب يومين .   والتالت جاني
شفته  جاني .      إتهز  كياني

كلمات
حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان أسف نسيت

أغنية
(آسف نسيت)

آسف .     نسيت معايا ناس
مراتي .  (أم العيال النااس)
كنت  مسافر    جوه الخيال
غبت  (لحظة)   عن الجمال
وجيت ف مراكب الإحساس
آسف .   نسيت  معايا  ناس

( أصيلة )     من يوم دقاتي
يافرشتي    و (نبض)  لذاتي
(زهرة أشراف مصر)  حياتي
الشريفة .       قمري الوناس
آسف .      نسيت معايا ناس

عاشت  معايا      (حلو المر)
كانت ( دوايا )   بليل الصبر
جواها ( شربت ) أجمل عمر
(ست الكل) ع العين والراس
آسف .      نسيت معايا ناس

بنت الزهراء        (القرشية)
بتخاف من نفسي  .      عليا
من (آل البيت) أصلا .    هيه
(نسل الرسول) رمز الإخلاص
آسف .       نسيت معايا ناس
مراتي .    (أم العيال النااس)

كلمات
خاصة
ب (أم العيال)
تأليف :
حربي علي
شاعرالسويس

مجلة سماء الأبداع للشعر والأدب الألكترونية كتب الشاعر حربي علي قصيدة بعنوان مين يقدر عليكي

أغنية
(مين يقدر عليكى)

مين   يقدر    عليكى
يا سويس
أبوس تراب رجليكى
يا سويس

فيكى
الهدوء والراحة
بالخيرديما طراحة
(القنال)
مبسم خشمك
بالعالم
ماشفت بجسمك
م إنت العروسة
والعريس
ياسويس

جواكى
تلت البترول
الدهب الأسمر بيقول :
لجل (مصر) الخمرية
تحيا الأمة العربية
ويموت الندل
خسيس .
يا سويس

أخدتى
م اليهود التار
فى (ثغرة الدفرسوار)
بالمقاومة :
الشعبية السوبر
في 24 من أكتوبر
بالأربعين
والهاويس
يا سويس

وجات
الثورة المصرية
وبدأتى المليونية
دمك غسل الميادين
(شهيدواحد) بالعاشقين
نور شمع
الفوانيس
يا سويس

إسأل
(جوجل) عنها
جوه النت مكانها
تاريخ وحضارة وفن
والواد المجدع جن
صياد شبار
ودنيس .
يا سويس

بحبك
إنت وبس
(أم وبنت ونفس)
مراتي/الغالية الأسطورة
أم العيال.  أصل وصورة
بعدك
الكل
رخيص .
يا سويس

(سويس)
حربي علي
شاعرالسويس