((٠٠مااتغيرش٠٠))
مرت سنين
والحب هو الحب
مااتغيرش
والشوق ف نبض القلب
سهران ولا بينامش
من كام سنه
قلبى اللى عاشق ضحكتك
قبل الوجود
كان شايلك بين ضلوعى
شوق حقيقى
ملوش حدود
بس الزمان
هوه اللى كان
حاكم عليه بالصمت
فى عز الكلام
حاكم عليه بالصبر
فى عزالغرام
مع كل ضحكه
من عيونك
مع كل دمعه
فوق خدودك
مع كل لحظة صمت
كانت تسرقك منى
فى عز الحضن
والشوق الحزين
كان قلبى متشوق يغطيكى
بأشواقه واحلام السنين
اه م السنين
كانت تمر علينا
هربانه مغطيهاالحنين
لحلم كبير رسمته
فوق جبينك
يوم ماشفتك
جوه حضن القلب ساكنه
قبل ماتبقى السنين
وبرغم كل الحب ده
عشنا سوا متغربين
مصلوبين فوق شبح
اسمه الظنون
كان ف قلبك
زى نار
ورافضه تنطفى
وف كل لحظه
كانت تغذيهاالشجون
خدتك ف حضنى
الف مره
وحاولت نارك تنطفى
وحاربت فيكى
الف لحظةحزن
يمكن تختفى
مديت لك الايد
اللى مشتاقه تضمك
اديتك القلب
اللى متشوق لحضنك
لكن عيونك
كانت هناك
فى التوهه مزروعه
فى حضن الظنون
وف لحظه حسيت
إنى لازم استردك
اخدك لعندى
اواجيب روحى لعندك
لكن قدرنا
ف لحظه مجنونه جمعنا
واتحطمت كل الظنون
جوه قلبك واكتشفنا
ان ايامناعشانا
عشنافيهاوعشنا ليها
واكتشفنا أن اناوانتى ماكنا
غيركيان واحد
ماتهزمه ابدا ظنوننا
٠٠٠٠٠٠٠٠٠٠٠٠٠٠٠٠٠٠٠٠٠
بقلم الشاعر/الشربينى محمود الرفاعى
