كل الوطن العربى
بلادى
شرق وغرب شمال
وجنوب
امتا ننتبه للأعادى
ونعرف إيه مننا مطلوب
امتا نكون واخدين
البال
ومنتبهين لتخطيط
الأندال
نتوحد دا شئ مطلوب
كل يومين بتوقع دولة
وخير وطنا بيكون منهوب
والأندال بسلاح الفتنة
والمقلب فينا بيكون
مشروب
عملوا بينا حدود وحواجز
وأسوار من خرسانه وطوب
والحكام عطيين الطرشه
خايفين على الكرسى
يكون مسحوب
خايفين على الكرسى
يروح ويضيع
والوطن شبع تقطيع
كل يومين دولة بضيع
ويزورنا للإصلاح مندوب
وهو أصلاً من الأعداء
جاى يعمل بينا إستفتاء
وهو جاسوس جاى ينفذ
لسياده المطلوب
فين الوحدة وفين اللمة
وكل يومين بتحصل
قمة
أكل وشرب وفسحة
يادوب
امتا بينا الحال هيروق
ويرجع الحق المسلوب
كل الوطن العربى بلادى
شرق وغرب شمال وجنوب
الشاعر
طه الروبى
ليست هناك تعليقات:
إرسال تعليق