هاتى ايدك.. والمسينى
دوبينى..
توهينى..
جوه حضنك واتركينى
ومهما اصرخ م السعاده
اوعى منه ترجعينى
آه يا عينى..
لما جت عينى ف عنيكى
رجعتنى سنين شباب
عوضت كل الغياب
ولا صوتك..
همس صافى
احلى من عزف الرباب
ولا صمتك.. وف سكاتك
كل نظره فيه حكايات
وكل حاجه فيكى حلوه
حتى حزنك.. لو بكيتى
احلى من عزف النايات
وفيكى سحر.. آه يا ويلى
اقوى من سحر الفراعنه
ولا سر الاهرامات
حاجه بتخلينى اصرخ
من جنونى ...واقول آهات
----------------------------------
ابومهاود
محمد احمد حسن
ليست هناك تعليقات:
إرسال تعليق