لو هأحسب عمري بالسعادة
أنا إتولدت يوم ما شفتك
وعشت عمري و ألف عمر
في لحظة جنبك
أنا ذكرياتي حصرتها لحظة
شفايفي ما لمسوا خدك
تخيلي
عمري ماشفت عنيا حلوة
غير بس لما سكنتي فيها
وزاد جمالها لأنها مش شايفة غيرك
ده الجمال مقياسه عندي
هو إنتي أو حد يمكن بشبهك
وده إستحالة
فينوس مناها إنها تبقي في جمالك
أنا بأدعي ربي يمد أجلي
إذا كان وجودي فيه سعادتك
ما بقتش فارقة إذا عمري لحظة
يكفاني إني هأعيشها جنبك
غاية منايا في دنيتي
بس أبقا بسمة فوق شفايفك
بقلمي : محمود عبد الله
ليست هناك تعليقات:
إرسال تعليق