آفة العصر ( أنت مين )
الاختلاف وارد اكيد وممكن يكون وجهة نظرك ان شخص ما ملاك عندك انا ما بحبوش انا حر لفظ بقه بنسمعه كتير فى الحالة اللى زى دى أنا يمكن على المستوى الشخصى باقابله كتير تكلم حد وتنتقد شخص ما من المشاهير سواء رجل دين أو شاعر أو مطرب أو ممثل يا عنى وهكذا وانا طبعا ما بحطهمش كلهم فى مقارنة لإن لكل مقام مقال مش هجيب شيخ ولا عالم أو إمام واساويه بمغنى لا دا حاجة ودا حاجة طبعا لكن المشكلة تتكلم وتقول مثلا الشخص ده أخطأ فى كذا أنا شايف ان رأيه غلط أو انا مش مقتنع بكلامه أو رأيى مختلف مع رأيه الشخصى مثلا انت قلت كده تلاقى واحد طالعلك ما تعرفش منين ولا واحدة سيان مش هتفرق يقولك الله انت بتتكلم فى فلان (انت مين) او انت تطلع مين الله هوا انا عشان اقول رأيى واعبر عن رأيى بصدق يتقالى انا مين لا حول ولا قوة إلا بالله طيب يا سيدى هب أنى راجل فلاح بسيط مع احترامى لأهلى واحبابى الفلاحين وانا فلاح برده الحقيقة وشرف ليه على فكرة لكن حبيت اضرب المثل على نفسى وبيئتى دا مجرد مثل المهم فلاح بسيط ولا معاية شهادات ولا حاجة وما بعرفش اقرأ ولا اكتب وبابصم اخرس بقه وما اتكلمش فى اى حاجة ولا اعبر عن رأيي فى أى شئ ابدا يا اخوانا لو عالم حتى ملم فى علمه بأمور كتير فى امور هوه جاهل بيها لأن علمه علم جزئى مش علم إحاطى اللى عنده علوم الدنيا هو رب العزة والجلال بس فقط لا غير لكن مفيش مخلوق فى البشر حتى الانبياء عليهم جميعا الصلاة والسلام عنده كل علوم الدنيا ليه لإن ده من سنن الله الكونية فى خلقه ركز معاية كده اعزك الله فى اية الكرسى للأية دى ( ولا يحيطون بشئ من علمه إلا بما شاء وسع كرسيه السموات والأر ولايؤده حفظهما وهو العلى العظيم ) يبقى علم البشر جزئى مش إحاطى يبقى حتى لو عالم فى العفاريت الزرق جاهل بأمور تانية لا احنا عندنا فى مصر غير بقيت العالم العالم الفلانى عندنا تلاقيه مثلا عالم فى الفيزياء او الجيولوجيا أو الفلك الناس توقره وتحترمه وتاخد برأيه ممكن فى اى حاجة ليه يقولك اصله عالم طيب يا سيدنا دا عالم فى الفيزياء أو طبيب متخصص فى كذا أو سياسى ماله بقه باللغة وعلوم اللغة او الحديث او مصطح الحديث او العقيدة او اصول العقيدة او الفقه او اصول الفقه ماله بالكلام ده ماله بالإعلام أو كذا أو كذا يقولك اسكت اصله عالم يعرف فى اى شئ يا سلام ويبدأ بقه يعتت فيك انت مين وانت مش مين ومعاك ايه ومش معاك ايه والتخلف ده طيب انا بقول رأيى ما لازم اطلعلك بطاقتى واقولك انا معاية كذا وكذا ولا ما معاييش شهادات وراجل بسيط لا يبدأ يتطاول ويحقر من شأنك ويأله فى الشخص الاخر اللى هوه فى نظره لا يخطئ ويجعله فى مرتبة من الالوهية والقدسية وهوه فى الاول والاخرعالم مش عالم انسان يا بنى والراجل البسيط ده برده انسان لما كتير مننا تخلى عن تعاليم الاسلام وفقد حسن التعامل مع البشر البسطاء او العادين دون المستوى الراقى جدا من الناس وأله بعض اصحاب الاموال او العلوم فى مجالات ما زاد الحقد والكره والغل بين الطبقات دى ليه عشان هما فى الاصل كلهم بشر من بنى الانسان لما تعملى انت سيادتك فارق واصل ده مين وده مش عارف مين انت بقه مين الله انا انسان ياخى ربنا كرمنى اصبغ عليه نعمه وفضله حتى لو كنت جاهل او فقير لان زى ما بقول حتى لو عالم فى مجال ما هتلاقيه جاهل بأمور تانية مش لازم عشان تحترمع تقول دا معاه كذا او كذا او يبقى غنى شئ غريب والله فالناس كلها سواسية كأسنان المشط وللأسف مصر فى ديل قائمة الدول المتخلفة على مستوى العالم عشان الفكر المتخلف ده اللى سايد ومنتشر عندنا الغرب تقدموا وعملوا اشياء مبهرة وعظيمة جدا عشان كلهم بيحترموا الانسانية بيحترموا نفسهم وبيحترموا غيرهم من الناس ما عندهمش انت مين وانت مش مين والكلام الفارغ ده لا دا انسان وانا انسان عشان كده هما من الدول المتقدمة واحنا فى القاع ودا واقع انا ما بالغش يارب تكون فكرتى وصلت .
تحياتى
أسامة عياد
ليست هناك تعليقات:
إرسال تعليق