خطاب لمجلس الامن
انا بورمى انا انسان
انا بورمى مش شيطان
يامجلس ليه نعسان
ولا انت غاوى نيام
وبتصحى اخر الليل
على صوت المظلومين
يامجلس بمعياريين
جاوب وقول هو احنا مش بينين
ولا الغشاوة على العين
بتتفتح لناس تانيين
هو انت ليه بتخاف
هو احنا خراف
ندبح لاجل الدين
نسمع شجب واستنكار
واحنا بننضرب بالنار
مش بالذمه ده اكبر عار
ياهل الفن ليه ساكتين
على المدابح سنين
هو انتم مش فالحين
غير على الضعيف تاكله
وتشنوا عليه حملات
وتعلوا من الخاينين
ياانسانيه فينك
من زمان ما شيفينك
شفناكى فى فرنسا
ومن يومها وانت جالسه
وبالدنيا مش حاسه
الظلم صبح شبح
وبورما بتندبح
والدم صبح لعنه
على الكل الساكتين
يارب ما لينا غيرك
تداوى المساكين
#ابواوبس_محمد عبدالرحيم
ليست هناك تعليقات:
إرسال تعليق