نفسي أصرخ في الشوارع
في الحواري . في البيوت
صرخة بتهد السكوت
لجل أعلن إن حُبّك جوَّه دمي
لو يودَّعني . أمووووت .
نفسي أكتب ع الورق كلمة أحبِّك
أو أحوِّلها ﻷغاني
لجل أعلن إن حُبِّك شكل تاني
حب بيدغدغ كياني .
نفسي أحوِّلك مشاعري وكل شِعري
ألف . ميت مليون قصيدة
نفسي أقول إنِّك وحيدة
جوّه أحلامي البعيدة .
نفسي تبقي الدنيا ديَّه
ليكي وليَّه
نفسي أقدم لك عينيّه
لكن انتي عارفه عمري
عمري علشانك شويّة .
باحبك عشق انكتب فوق الجبين وخلاص
وعاهدت طول الزمن ع الصدق واﻹخلاص
ولا يوم هاسيبك لحظة
والفرحة متواجده
باحبك كلمة باعلنها في
الركعة والسجدة
يا حبيبتي يا ......
في حبك ما ليّه خلاص
محمد علي أبو علاء
ليست هناك تعليقات:
إرسال تعليق