قصيدة : (( بنى مانيمار ))
ملعون يا خط النار
أنت وبنى مانيمار
خلوا القلوب والعة
والدم بقا أنهار
لا تقولى بقه حكام
ولا مجتمع دولى
بورما دى ليها ربنا
خليك كده دغرى
فين العرب نايمين
صوت الشخير يسرى
سمع لسطح القمر
وصداه نغم يدوى
ملو البطون همهم
اشى مقلى واشى مشوى
ومسلمين بورما فى
الفرن من بدرى
ملعون أبوك يا سلام
ليه تبقى حجتنا
مات الخجل فينا
والرحمة فارقتنا
أطفال شيوخ تتباد
كده يرضيكم حالنا
أنتم هنا ف اعياد
قلتم وأيه مالنا
ملتم أوى بعرضنا
والعار بقا مالنا
ملعون يا خط النار
أنت وبنى مانيمار
ما هانونا حكامنا
وعليهم الاوزار
لو يقدروا يشيلوا
دى النار ما فيها فرار
لو يقدروا يشيلوا
دى النار ماليها فرار
تحياتى
أسامة عياد
ليست هناك تعليقات:
إرسال تعليق