اللى قالولك
عنى
جوم عليك قالولى
بس انا فهمتهم وعرفت
اصدهم
ولا عرفوش يقنعونى
عشان عارف ضميرهم
مفهش خير لغيرهم
ومش صافى قلبهم
نصيحة خدها منى
بلاش تسمع لهم
الا وفيه دليل وعلامة
واضحة. منى
اللى قالولك عنى
جم عليك قالولى
وعلى الكلمة زادوا
عشرة
وخلوا الاصلى قشرة
ومش مرة ولا مرتين
دوول مابطلوش
الا لما ملوا منى
وملقيوش معايا سكة
لغرضهم يوصلوا
ودا بس لأنى عرفت
أصدهم
وعملتةنكتة فيهم
وحرقت دمهم
بالعقل وبالسياسة
والحكمة والكياسة
خلتهم يملوا. منى
اللى قالولك عنى
جم عليك قالولى
بس انا عندى خبرة
وعاشرت زيهم ناس
نفس الطباع
فى الغش والخداع
إدام منك بوش الطيبة
والبراءة
وواراك وحوش ضباع
وكتير ياما قابلنى
اللى قالولك عنى
الشاعر
طه الروبى
ليست هناك تعليقات:
إرسال تعليق