الدنيا فيها العجب
وفيها معادن ناس
ناس بالاصول والادب
وناس ماهياش ناس
ناس تحس الالم من
غير ماتشكى الناس
ناس فضلها بيتنسى
وناس جرحها بيتباس
وعجبى عليكم ناس
**********
هيى الدنيا جرى فيها ايه
طبع الناس اتغير ليه
ليه مش عيزة تحن عليا
لية مش عيزة تسبنى شوية
افرح حبة واحزن حبة
نفسى فى حبة شوق ومحبة
ينفسى اتهنا معاها يومين
هيى الدنيا جرى فيها ايه
**********
صحبى وخوية اتغير ليه
مش متعود يأسى عليا
يروح يبعنى ويغدر بيا
علشان مال والا حتى ان كان
هيى الدنيا جرى فيها ايه
*********
دمعتى باتت على خدى
بتزيد ولا يوم بتهدى
قلبى وجعنى ماحد سمعنى
حتى حبيبى اهو ودعنى
هيى الدنيا جرى فيها اية
********
ناس بتخون ناس بتبيع
ناس بتعلى وناس بضيع
ناس مش طيئ لبعض كلام
وناس بخلان بحتى سلام
وناس بتقول الخير فى الدنيا
وناس بتقول على الدنيا سلام
هيى الدنيا جرى فيها ايه
بقلم الشاعر / عبد الحميد حبيب
ليست هناك تعليقات:
إرسال تعليق