بغيت نسولك يادكتور
واش الحب ماليه دوا....
قلبي ديما ولى مضرور
كل ما نقول برا يولي يتكوى...
وليت معاه ديما مجرور
ولبغيتو في عيني ما بقى يسوى...
أنا ف عارك يا دكتور
هذا ما عرفتو مرض ولا دعوى...
بعدما كنت ديما مبشور
وليت نطيح وبهمو نتزوى...
هايم مع راسي ومعاه مجبور
والقلب ديالي ولى يتشوى...
زيد فهمني يادكتور
واش الحب ما فيه روى...
يعذب و يمحن الصدور
وقلبي للعين راه دوى...
الحب زمانو ولى محكور
وبنادم منو جمع و طوى...
اسمح ليا يا دكتور
راني طولت والحديث راه قوى....
ما داويت وعييت ندور
واليوم قلبي عليك خوى....
كون مكاني وبادلني الشعور
الحب لذاتي راه لوى....
........أحمد الناصري......
ليست هناك تعليقات:
إرسال تعليق