ولدى
عبدالمنعم عدلى--مصر
ولدى وابنى وضنايا
يااغلى من عنيا
من صغر سنك
وذيك نسر ونجمة وكاب
وكبرت ياولدى
ياابو ضحكة حلوة على الخدين
واجيب ذيك منين
ياابو نجمة ونسر على الكتفين
دمك غالى عليا يا اعز من عنيا
مفقود ياولدى وما اعرف ليك حدود
مفقود ياولدى ولا دمك سال على الحدود
ولدى وابنى وضنايا
فارقت عنيا وجف الدم من الوريد
اه لو كنت عارفه قبرك فين
ابكى عمرى كله عليك من غير حدود
ولدى وابنى وضنايا
عينى ابيضت عليك
والدمع جف من العين
تعال فى احلامى
ولا من وراء جفون العين
اشوفك شوية
ولا ابعث لى بشير
بدمك على ذيك
يمكن نظرى يعود
واتملى بذيك
واكون ام الشهيد
يا ابو نسر ونجمة وكاب
حد يطمئنى عليك
حتى لو كان جسدك فتات
انت بردة الشهيد
ولدى وابنى وضنايا
علمك دمك حتى لوفنى العمر
املى عينى بيه
يا ابو نسر ونجمة وكاب
بقلمى عبدالمنعم عدلى
ليست هناك تعليقات:
إرسال تعليق