.............اتحرر
.......
السعادة انك تسعد الغير
انك تشوف الجمال بقلبك
مش عينيك
خلى روحك زى طير
يرفرف على الناس
يرسم الأمل بين السحاب
بلاش تعيش مدفون بالتراب
افتح حضنك لكل محروم
محتاج للحنان
امسح من على الخد جرح الزمان
واوعى فى يوم تكسرك الجراح
انسي اللى راح
وازرع لبكرة حلم فى أرض مجدك
الشجر اللى ضلل عليك اليوم
كان زرع جدك
عيش لغيرك متبقاش
أنانى تحب نفسك
الجمال فى الروح
مش فى العيون ولا الشفايف
والحياة ملهاش طعم
والموت أهون عليك
لو عشت خايف
ارسم على عيون الحياة
الف نجمة تنور بليلك
ولا تستنى شمعة
ينورها غيرك
اتحرر
ايوة تقدر
تقتل ظلام الكره
تسجن الف دمعة
خلف جدران الأمل
لو يوم يصحى ضميرك
........ على حافظ المصرى
ليست هناك تعليقات:
إرسال تعليق