حقك عليا ماتزعليش
ما كنتش اعرف ان الحظ ها يديني قفاه
حقك عليا ما تعيطيش
امال لو كنتي مش عارفه البير وغطاه
اعمل ايه حظ مافيش
كل مابدا من الصفر يجي عفريت ياخد كل حاجه معاه
اطفش يعني ماجيش
واللي يساءلك عني قولي ده مات ولا تاه
ليه ياحظ تدي ناس واحنا مافيش
حلمنا بسيط مش طمعانين ده مجرد حلم وعشناه
حقك عليا ماتزعليش
انا عارف انك استحملتي كتير وواقف علي بابك اللي معاه
واللي مصبرني ان الحب بيني وبينك مابينتهيش
اي نعم انا كبرت وانكسر ضهري بس كل شئ ليه دواه
خلي ابوكي يرحمني وما يفتيريش
والمركب تمشي والمراكبي يرسي علي مرساه
ايه يازمن ده. حرام عليك ماتعاندنيش
البنيه كبرت هي كمان ومستنيه تفرح ده الحزن مخبياه
هو احنا مش هيجي علينا الدور ونعيش
ده اللي يشوف حكايتنا ويقرها ها يقول ملعون الحب وهواه
حقك عليا ماتزعليش
غيرنا كتير وكتير مضروب زينا علي قفاه
مداري وري الحيطه ماتفكريش
هانت كلها بعد الخمسين ها تفرج ونكمل نص دينا اه يازمن اه
خلاص العمر بقي مافيش
المهم الحلم يتحقق وكل واحد فينا ينول اللي يتمناه
حقك عليا متعيطيش
اللي خلق عبده ورعاه عمره ابدا ما هينساه
علي فكره انا مابحكيش
انا بفضفض وبطلع اللي في قلبي ومكتوم جواه
اصبري ومتعيطش وحقك عليا ماتزعليش
كلمات بسيوني صديق
ليست هناك تعليقات:
إرسال تعليق