نثر / شفت منام احترت أنا فيه
**************************
شفت منام احترت أنا فيه
خير اللهم اجعله خير
ها احكي عليه
شفت شاب حليوه مش شايل هم
قولت له ليه وعلي ايه
قالي اصبر ياعم
الخير ها يعم
وهيبقي معانا فلوس بالكوم
قفف وزكايب مالهاش حد
و نتجوز ونبني البيت
والعيشة ها تبقي فل الفل
وبدل الدبلة اجيب دبلتين
ومن الدهب الف جرام
الدنيا رخيصه والحاله تمام
اوعي ياعم تفكر في الهم
*********
شوفت منام احترت أنا فيه
خير اللهم اجعله خير
هااحكي عليه
شفت عجوزه ماشيه و تايهه
بتعيط وبتضحك ضحكه
فيها مرار مش رايقه
مش عارف ليه
قالت لي الله يعزك
لو تعرف جزار طيب وابن حلال عرفني عليه
الم العضم واعمل به شوربه
وشوية ملوخيه للجعانين
الله يكرمك ويخليك
حزنت في نفسي وقولت يانفسي
تحرم عليكي العيشه ليه تتهني
وفي غلبان منداس تحت الرجلين
العجوزة قالت بكره هاتفرج
والصبر احلي للصابرين
وبدل الفول والطعمية
الاكل ها يبقي حمام وفريك
**********
شوفت منام احترت أنا فيه
خير اللهم اجعله خير
ها احكي عليه
راجل ماشي بيغني ويقول موال
قولت الحمد الله عيشته عال العال
راجل مبسوط و راضي بالحال
سالته ليه ياابو العيال
قالي ده غلب وحياة الخال
انا ع المعاش باخد الف جنيه
يعني العيشه بلاش في بلاش
قولت له يعني افرح واجهز البنتين
قالي لا. ياريت في الدنيا ماتستناش
قولت له يعني اموت ياعم البكاش
قالي اه وتعيش ليه
مش احسن لما تمد ايديك
قولت له اتفائل والتشاؤم بلاش
بكره الجنيه هايبقي زي الدولار وتحطه جوه عنيك
**********
كلمات بسيوني صديق
ليست هناك تعليقات:
إرسال تعليق