كلام الناس زى الصخور.
لو شلته على ضهرك,
ضهرك هينكسر.
و لو حطيته تحت رجليك,
تطلع على الصخور لفوق
و تكبر و تنتصر.
الصخور إللىى على ضهرك
تخليك تبص لتحت.
و الصخور اللى تحت رجليك
تخليك تبص لفوق.
و إللى يبص لتحت
ينزل تحت.
و إللى يبص لفوق
يطلع فوق.
و بعدين
تعالى اقوللك كلمة
هوا الناس وراها حاجة غير الكلام.
ما لو كان وراهم حاجة
كانوا عملوها.
و لو كانوا يقدروا ينجحوا
ما كانوا نجحوا،
و بطلوا يكلموا.
بس أصل الكلام غيتهم و سلوتهم
و عمرهم ما هيبطلوها.
إنسى الناس و كلام الناس.
و إنوى تنجح .
و إجرى زى الرهوان.
و هتستغرب أوى،
لما تلاقيهم ورا بيصغروا.
و إنت بقيت ٱول الفرسان.
يا أخى انساهم و كلامهم
الله يخليك.
و هتستغرب أوى أما يقولولك
بعد ما توصل.
إدينا من إللى ربنا بيديك.
يا ريته يزيدك مقام و يدعولك.
هوا ده طبع الناس،
يا عمنا و عم الناس.
عجوز غاوى شعر
مرقص اقلاديوس
ليست هناك تعليقات:
إرسال تعليق