دخل من الباب
مكفهر وشكله هباب
بيدور علي الخناق!!!
أنا جعان من ساعة الفطار!!
عملتي أكل زي الشطار
(وطبعا عينيه بتطق شرار)
حااااضرررر أنا مولعة عليه النار
(يادي المراااااار.....)
دخل حجرة النوم
إنتي ليه مش مرتبة البلاكار
وكمان بوظتي دلفة الجرار
(بيدور علي التايهة ويشعللها نار)
دخل المطبخ
شاف الحلة
فين اللحمة مش ف الخضار
وعاملة السلطة ناقصة خيار
ودرج المطبخ بيجري فيه صرصار
(هو يعني لازم النقار والشجار)
تاني حجرة النوم
القميص بعد المكوي بقي من غير زرار
والسجادة وتحت السرير مليان غبار
وبتسيبي الأوضة من غير ماتطفي الأنوار
أمال إنتي بتعملي إيه طول النهار?
إنتي بطريقتك دي حتجبيلي إنهيار
(قااااال يعني إسلوبك دا إفتخار
دا أنا نفسي أكسر عليك قلة فخار)
أنا مش لاحقة أرد أوأأقول قرار
اللي يسمع الكلام دااا لازم يبلغ فرار
ولايوم من أيام بيت أبويا
حتي لو بيجري فيه فار
كان الهدوء و الأمان والإستقرار
مسح بيا الأرض وفرح فيا سابع جار
إهإ إهإ لازم آخد حقي وأخلص التار
بقلمي عزة حزين
Azza Hozayen
ملحوظة: مابين الأقواس بترد عليه ف سرها
ليست هناك تعليقات:
إرسال تعليق