اتملا عنبر المجانين
والباقي منه خرج
في الشوارع في الميادين
والدنيا بقت هرج
وجالنا النهارده عم ياسين
بعد ما صرمه خرج
نرحب بيه ولا ننفيه
ولا نيجي عليه
مش فارقه
ماهي غارقه
هو يكون احسن من مين
كفايه عليه
اتشققت رجليه
وشال الطين،
اتلحس اتهوس
اندبح بسكين
وجاله المرض
يارب من عندك الفرج
ماتبيتش حد حزين
كابوس كل ماشوف حد
افتكره من المجانين
ويوم السبت بقي احد
ويوم الاحد بقي اتنين
ومبقناش نعرف حد
والسبب انتم عارفين
ده كلام ولا هزار ولا بجد
ولا هلوسة مجانين
ياعزيزي تعبنا بجد
علي فين احنا رايحين
اللي بره عاوز يدخل جوه
عنده حق
اكل ومرعه وقلة صنعه
ان جيت للحق
جوه احسن من بره
بس فين العنابر
جاهزه ورايقه ؟
لا يروح امك مليانين
اقولك الحق
لا حساب ولا هات بالقوة
الدنيا بره كلها مجانين
لا فيها ناس عدله
ولا فيها ناس فاهمين
ووشوش مجهوله
تضرب اسفين
والاخر يقولوا
احنا اسفين ع الخراب
الله يخرب بيتهم
علي ايه ناويين
هنلاقيها منين ولا منين
اتملا عنبر المجانين
كلمات بسيوني صديق
ليست هناك تعليقات:
إرسال تعليق