المشهد الخامس من اوبريت (حكاية السلطان.)
**************
سمع الكلام السلطان و احتار
ودماغه لفت وعقله شت وطار
كلام الشيخ الجليل متنقي
وموزون بالف عيار
هو فاكر الناس رخيصه
وتتباع وتشتري بالدينار
لا مش كل الطير
اللي بيتاكل لحمه
احنا لحمنا مش رخيص
لحمنا ني يقف في الزور
خليك مع الاونطجيه
بتوع الراس والهزار
السلطان العجل ابو كرش
عمال يكرش ويحش
وزبانية جهنم قدامه بوش
ومن وراه بألف وش
تحيا الجحش
راح الجحش
وجاء الجحش
المهم بكره فيه ميعاد
لنصب المشنقه لبهلول
بهلول جاهز وعلي اتم استعداد
مش خايف من النزول
وقاضي القضاه
التابع ابو دلدول
اللي ما بيحكمش بالحق
روح منك لله ياديل السلطان
ياويلك يوم الميزان
والمعجزة ها تحصل
من رب العباد
بسيوني صديق
ليست هناك تعليقات:
إرسال تعليق