.. إنسان ضعيف ..
إنسان ضعيف فات جنب مني
وقالي ليه ؟ ماتقولي ليه ؟
كل البشر بيهدوا في الحلم
اللي أنا اتشعلقت فيه
بحلم ببيت يحميني من برد الشتا
وأتداري فيه
بحلم ببنت تحبني ونجيب ولد
ونخاف عليه
شغلانة تكفيني الطعام
ولحاف صغير لما أنام
رجلي تساويه
أنا قولتله حقك تعيش
والحلم من حقك تجيه
لكن ياصاحبي الحلم مستنيك
تعافر وتناديه
والناس بروح الدين تشيل
ويا الضعيف ترحم عنيه
تديه من الخير اللي ربك
بيه حباهم وتراعيه
قالي صحيح انت الوحيد
اللي بكلامه شدني وفرحت بيه
ربك كريم والدنيا مش أخر المطاف
الدنيا مش أخر المطاف
كتر الكتاف جنب الكتاف
بتخلي أمثالي الضعاف
إنسان جديد والنور ماليه
............................
بقلمي ... عصام مدين
ليست هناك تعليقات:
إرسال تعليق