فيها إيه لو إتعاهدنا وحافظنا ع مشاعر غيرنا ونفذ كلمتنا.
هانزيد ف نظر آللي قدامنا وتكون السعادة ملك إيدنا.
ليه نغدر بغيرنا بعد ما الحب جمعنا وأصبحت الحياه جميلة ف نظرنا.
لكن تعمل ايه ف غدرنا وخداعنا والخيانه اللي مسيطره ع تفكرنا.
والشخص اللي حبنا وإحترامنا وأتمنى يكون من نصيبنا وسر السعادة بالنسبالنا.
لكن الغرور خدنا وقولنا مش من مقامنا بعد ما حبينا وعشقنا.
كان لازم ننفذ ووعودنا ونكون قد كلامنا مش نضحك ع غيرنا والاخر تنتهي بفشالنا.
هو كان حب ولا بنتسلى بمشاعر غيرنا ووقت الجد نبعد ونتخلى ونقول مش من مقامنا.
طب هانقول إيه للي خلقنا بعد ما خلاص اتفقنا واتعاهدنا اننا ننفذ وعودنا.
ونرضى المولى والناس عرفت أسرارنا واتشوهت سمعتنا بعد ما الحب شغل عقولنا.
ع أمل السعاده تجمعنا والكلام الجميل اللي عشانه إتقابلنا وقولنا خلاص انتهت أحلامنا.
بسهوله نبيع القضيه ونعلن إستسلامنا ونخالف كلامنا وندوس مشاعر غيرنا.
فين العدل وفين الرحمه بعد ما خلاص إتفقنا وحسينا ان الحب نعمه وربنا هايجمعنا.
ولما نحس ان الفلوس ملت جيوبنا نغدر وننسى وغيرنا يدفع تمن إجرامنا.
عشان كده لازم نهدى ونحافظ ع شرفنا ونختار آللي يناسبنا.
مش مجرد كلمه وبعدها تنزل دموعنا وتبقى زكري مرت ف حياتنا.
الحب نعمه ولازم نكون قد كلامنا مش نضحك ع بعض ونتسلى وف النهايه تنتهي بفشالنا
دي قصيده مهمه هاتفدنا وتنفعنا ونقول ان الحب نعمه لكن حبنا للمال والدنيا يخالينا ندوس على اعز شئ ف حياتنا.
وهي دي مشكلتنا بعد ما خلاص إتعاهدنا والفرحه ملت قلوبنا.
شاعر العصر صاحب كلمه لها مضمون ومعنى يفدنا وينفعنا بقصيده جميله تنال إعجابنا وتحسن دايما من أخلاقنا.
الشاعر طاهر مختار
شاعر العصر.... تحيا مصر
طنطا.... كفرالزيات اكوه الحصه
ليست هناك تعليقات:
إرسال تعليق