(ملعون أبو الفقر)
رمضان الخربوطلي
2014 /29/4
شعر عامي
........................
ملعون أبو الفقر
اللي بيخلي النفوس مكسوره
ملعون أبو العوزه
اللي بتخلي الوجوه مقهوره
الإبن ده عايز دروس
والإبن ده محتاج فلوس
والتالت برضه في الصوره
لازمله هدمتين
علشان يبان قدام زمايله
إن الحاله مستوره
ده غير العلاج والأكل
والنور والمَيه بفاتوره
والأب داير في ساقيه
والدنيا بتشوطه
شمال ويمين كما الكوره
واللي جاي على قد اللي رايح
والزوجه معذوره
نفسها الولاد يتعلموا
وتشوفهم في أجمل صوره
والبيت متنقصوش قشايه
والحاله تبقى مستوره
ملعون أبو الفقر
اللي بيخلي النفوس مكسوره
.....................................
رمضان الخربوطلي
ليست هناك تعليقات:
إرسال تعليق