ماتستغربش
لسه باغطي القلب برمشك ولا بحلمش
وان نامت دقه ف حضنك ليله مابتندمش
حتي النبض ينادي باسمك ولا يعلمش
ان انا لسه بدوب ف هواك والقلب ماقالش
مابنفهمش
مابنفهمش ازاي دقاته ماتتنغمش
مابنعرفش ف كل حلاته ليه مابينامش
حتي بنبضه بيشكي اهاته ولا بنسمعش
اني انا لسه متيم كلي لحد الرمش
مابيسمعش
لسه باغمض اشوف بيعنيه ملاك
صوره القلب اتعلق فيها وقال اهواك
وزاي ما شوقك نور ليلي ما تمحي ضياك
دا انا باهواك من اول ليلي ومش هنساك
وهو ما قالش
كل دا شيئ بيدق ف قلبي ويجري عليه
وكل مابهمس نبض القلب ينادي يجييه
واشوف بعينيه قلوب الناس بتحوم حواليه
وكل مشاعري ونبض جوارحي تناجي عنيه
وبردو ماهانش
مابنفهمش
مانفهمش لغات القلب و ساكن فينا
كل ما يعمل شيئ ان كان بيبكي عنينه
حتي ان زادت دقه كمان نبضه يهدينه
وعمر ماحس له حد حنان وان كان يواسينا
مابتعلمش
مابتعلمش ازاي وبقلبي اني بخاطر
مابتعلمش وبارجع اقول ابدا مش فاكر
ان القلب اتذل وقلبك له كان شاطر
بس بطيبة قلب يحبك كاتب شاكر
ولا باانكرش
ياسر مهدي عمرو
ليست هناك تعليقات:
إرسال تعليق