ومين يشوفك يا قمر
ما غرقش في جمالك
ده البحر شاف ضحكتك
قال للبحور تصفالك
كل القلوب عشقاك
بالحب طالبه وصالك
ومين يشوفك يا قمر
ما غرقش في جمالك
ياللي عيونك يسحرو
وفي وصفهم سارح
ما عرفتش اكتب عنهم
وفي رمشك الجارح
ولا قادر اوصف ضحكتك
ولا شعرك السايح
قاتلني شوقي لنظرتك
مشتاق من إمبارح
اقتلني تاني وأوعدك
أموت وانا مسامح
ومين يشوفك يا قمر
ما حلمش ولا أتمنى
يعيش على حبك
وتسعده ويتهنى
في عينيك وف خدودك
اجمل كلام يتغنى
ومين يشوفك يا قمر
ما حلمش بالجنه
علاء رجب
ليست هناك تعليقات:
إرسال تعليق