روح وابعد بعيد واهجر وزيد
هجرك وأنسى
روح وزيد الجرح بجرح تانى
ياحبيبى واقسى
روح وخد عمرى اللى فات
باللي فيه من ذكريات
بس ح تسيبلي الليالى
اللى من بعدك ياغالى
تقدر تاخذك من خيالى
وتخلينى أنسى
ياللي من هجرك تعبت
وعمر شوقي لك مانام
لما راح ولقاك سافرت
جاني يبكي يقول حرام
قول من فين طب جبت قسيه
وابعت لينا ياعم شويه
يمكن دي تكون ميه الميه
وتخليني انسى
وآه منك ياناسي
وكل مابتنساني تقسى
وآه منك ياناري
قوللي امتى النار دي تهدا
ياللي روحي دابت في روحك
وانت روحك لسه
ياللي قلبي نايم في قلبك
وانت عليه بتقسى
مهما ح تنسى وتقسى ياغالى
انت حبيبى ح تفضل غالى
ومادام قلبى لقلبك شارى
ازاى حاقدر أنسى؟
..بقلمي \ مجدي الشيخ..
ليست هناك تعليقات:
إرسال تعليق