شعر عاميه
بعنوان #أبويا_قاللي
أنا الفلاح والأصل صعيدي
أنا اللي الفاس كلت من إيدي
أنا اللي بشق الطين
أزرع قمح وتين
عشاني والبني آدمين
بدعي ربي وأقول آمين
البذره تفلح
والأرض تطرح
سنابل فرحانه
لعصافير بتزقزق جعانه
أنا اللي أبويا قاللي
أخلي الأرض خلي
أسمع شكوتها وأمنها سري
أمسح على جبينها بعرقي انا المصري
أغسل عيونها بنهرالنيل
أحضن شمسها بغنى ومواويل
أبويا قاللي الأرض حاله
متخليكش يوم على حد عاله
خلاصة القواله
الأرض أم طيبه وحماله
إرمي بذرتك وعلى الله تكالك
وزكاتها حق الله صدقه تبقالك
خليك راجل وشد حزامك على لجامها
تلاقيها خدامتك طول ما انت خدامها
يا بني الأرض عرض
بعد ربك تحفظلك البنت قل الولد
#احمد_صلاح_العثماني
ليست هناك تعليقات:
إرسال تعليق