قصيدة /( حقك يا بدري )
بقلم/( شرين سعد أحمد)
شاعرة جنوب الوادي
#شرين_سعد_أحمد
***************
حقك يا( بدري )
امتى يجي ياناس
ماهو داسك الفاسد
وأنت رحت خلاص
،،،،،،،،،،،،،،،
دمك في لحظة يسيل
أصل السبب إهمال
صاحب الوساطة يميل
وادي الفساد شغال
،،،،،،،،،،،،،،،
ابنك ينادي ليك
( دم أبويا فين)
بنتك بتبكي عليك
( يابا ) بدمع العين
،،،،،،،،،،،،،،،،
أرض السويس شربت
من دمك الطاهر
ناسها عليك بكيت
والحزن أهو ظاهر
،،،،،،،،،،،،،،،،،
أما وقعت يا عم
شهيد للقمة عيش
طمسوا الهوية وكم
حاولوا يقولوا مافيش
،،،،،،،،،،،،،،،،،،
لا اسم عارفينه
ولا وش شايفينه
ولا بلد تبعه
ولا حد قال وينه
،،،،،،،،،،،،،،،،،،،
ياخي بلاش الظلم
الاسم اهو ( بدري)
( قرعان ) دي بلده ياعم
والكل بيه يدري
،،،،،،،،،،،،،،،،،،،،
اوعاك تقول مجهول
لاجل ماحقه يضيع
طب قول كلام معقول
خايف لصيته يذيع
،،،،،،،،،،،،،،،،،،
والكل يسمع
عن فساد البيه
تبني وتطلع
بالعمارة ليه
،،،،،،،،،،،،،،،،،،
مع انك تخالف
ولا تخاف الله
مالك حرام تالف
بقى سحت يا ولداه
،،،،،،،،،،،،،،،،،
أما الشهيد هيعيش
اسمه هنا معروف
شهيد للقمة عيش
واهو بكرا ياما تشوف
إهداء إلى روح شهيد لقمة العيش
المرحوم / البدري عبد اللطيف ريان
19/9/2018
ليست هناك تعليقات:
إرسال تعليق