الشاعر رضا علي احمد ابو شنب
قصيدتي الجديده
في الاصل فار
20/09/2018
بعد تسجيلها فيديو وتوثيقها
في مؤسسه اسرار الاسبوع امس الخميس
................................................
في الاصل فار
تمللي ياكل من الزباله
ويهز ديله علي الجدار
دايما يعيش جوا الشقوف
وسط الحواري والغيطان
و بيحبسوه في المصيده
لو يوم يقرب من العمار
ماهو اصله فار
................................................
الفار مقضيها هزار
قاعد بيحضن في الصغار
مره بيطلع علي الخروف
وينط علي ضهر الحمار
كان فار طموح
نفسه يعيش ويا الكبار
عمال بياكل زرعنا
قاعد يدمر ارضنا
سرق اللي باقي مننا
حتي الخضار
..............................................
الفار زكي كان ابن كار
قاعد يساعد في الغلابه
مره يجيب سكر و شاي
ومره بيحضر فطار
او لحمه حمرا بيدفنوها
في الخضار
لو تدخلو يوم عندنا
المحسنين بيتهم عمار
لو تبقو اخوان زينا
الجنه تبقي في ارضنا
واللي يعادي اهلنا
..هيلاقي نار
في الاصل فار
لكن بيلعب بالدولار
كان فار شيطان
عمال بيحضن في الغراب
وبتعجبه ودن الحمار
عمل معاهده مع الارانب
علي الحدود ويا القطط
جمعو الكلاب رسمو الخطط
هنخلي كل البيت دمار
لازم نموت الاسد
ويبقي في ايدينا القرار
................................................
حبه فيران
حبه فيران هجمو علينا
من المجاري والغيطان
والارانب علي الحدود
بيكسرو كل الحيطان
بيساعدهم الكلاب ويا القطط
وفي البحار تلقي الحيتان
وقفو جميعا للاسد
رغم اختلاف الامكنه
والازمنه والالسنه
حتي اللغات الممكنه
في لحظه واحده كلهم
ارحل خلاص دلوقتي ناو
اصل الاسد اصبح عجوز
شايفينه في عنيهم جبان
حبه فيران
................................................
الفار بيرقص من الفرح
عاملي حفله ومهرجان
حبه وهنقيم الخلافه
ويتعدل بينا الميزان
مش مهم يكون خليفه من البلد
ممكن نجيب القرد غان
او نجيبه من اليابان
ونحطه جوا السلطانيه
لاجل ما يداري الودان
نعلمه كيف الكلام
والكدب دستور للسان
ياخد اوامره من اليهود
وترضي عنه الامريكان
يكون ولائه وانتمائه
لمجتمع كله فيران
في الاصل فار
ليست هناك تعليقات:
إرسال تعليق