حُكم الدنيا
مش بإدينا
نفارق بعض
دا مش بإدينا
حَكمتى يا دنيا
و حُكمك لازم
يمشى علينا
و أمَرتى و قولتى
ننسى زمان
و كمان ليالينا
و نعيش بُكره
و بُكره الجاى
دا مش بإدينا
مش بإديا
امشى ف سكه
حبيبى مش فيها
غريب و لوحدى
بعد ماكان
ف حياتى ماليها
لا دا يا دنيا
مش بإديا
و مش بإديه
القى ف ثانيه
بدمع عيونى
ببكى عليه
و نطفى شموعنا
بدمعه حزينه
مش بإدينا
نفسى اشوف
ف عينيك الفرحه
قبل ما اسيبك
بطلب منك
و دا طلبى
و انا لسه حبيبك
و اوعدنى بإنك
مش راح تبكى
بدمع العين
حَكَمت دنيتنا
و إيه مخبّيه
مش عارفين
يمكن شمسنا
تطلع تانى
و تدفّينا
و نعيش بكره
و بكره الجاى
دا مش بإدينا
.......................................................
محمد مكاوى
عضو رابطة الزجالين وكتاب الاغانى
ليست هناك تعليقات:
إرسال تعليق