اوعى تفكرى ..
اوعى .. تفكرى ..
إنك تقدرى ..
تركبى صهوة جوادى
وتتمخطرى
صحيح أنا واد غلبان
وانت ف قصر عالى
لابسة التيجان
لكن لو فكرتى تعمليها ..
وتهربى
هتتكهربى .. !!
وابقى اضربى ..
أخماس ف أسداس
وتفكرى ...
إنى قاعد محتاس
وتروحى تتعقربى !!
ابقى .. اغضبى
لو عاملتك .. يابنت الناس
بقسوة .. من غير إحساس
اصلى .. أنا واد ترباس
وانت معدتيش مطلبى !!
ليه تتعجبى !!
ان النهاردة الدنيا اتغيرت
والأحوال ف الحب ..
اتشقلبت
والقلوب اتحيرت
صحيح قلبى .. حبك
واتقطعت خطاويه ..
على دربك !!
لكن كنت لابسة توب الاسية
وقلبى كان متشعلق ..
ف حبالك
وانا مكنت ع بالك
لا كنت ليك .. ولا كنت ليه !!
واوعى تفكرى
انك تقدرى
تركبى جوادى .. وتهربى
انا ممكن اسامح
واجى ع قلبى شويات ..
واتصالح ...
بس انت تقدرى ..؟!
ترجعيلى قلبى ..
ويكون حانى !!
وتخسرى ..
عمر تانى
هتقدرى؟ !
هاديك وقت تفكرى
وبعدين ابقى قررى
ليست هناك تعليقات:
إرسال تعليق