مسلم مسيحى كلنا
إخوات
فى الإنسانية
وفى الوطن شركة
واللى بيعمل فتنة
طائفية
مش مقدر المسؤلية
خليك على دينك
واناوعلى دينى هكون
ربك متكفل بيك وبيا
بس بلاش تقول
ان حياتى للهلاك
منتهية
جنة ونار بتاع ربنا
سيبك من الأفكار
الخايبة ديا
واعمل زى ماقال ربنا
هتبقى خلصانة القضية
والكل هيعيش فى هنا
والنفوس هتكون متراضية
مسلم مسيحى كلنا
اخوات فى الإنسانية
ولاد أدم. وحوا
وكل الشرايع سماوية
بلاش نكون للتطرف
ضحية
دينك ليك ودينى ليا
وكلنا اخوات فى الانسانية
أكيد فيه ناس مش
هيعجبها الكلام
وكتير هينتقد فيا
بس ربنا قال
خير النفوس
النفوس التقية
اللى صافية الضمير
مفيش جوا منها
حقد ولا عنصرية
مسلم. مسيحى كلنا
اخوات فى الانسانية
من ابداعات
الشاعر
طه الروبى
ليست هناك تعليقات:
إرسال تعليق