زجل
(الدخان)
غزال . وشرب الدخان
مش خايف م السرطان
صدره . ياناس مليان
نيكوتين ويا القطران
قلتله بلاها سجاير
راحت أحلى ضفاير
خسيت ياحلو كتير
م الكحة وم التشخير
تقع من (أوطى) سرير
ومتجريش ربع الفدان
غزال . وشرب الدخان
قالي عاوزني (أبطل)
تعالى وديني المعمل
(أحلل) ضغط وسكر
سندني يمكن أقدر
وإديني البوسه وكتر
وهات لي من الرمان
غزال . وشرب الدخان
قلت له أبدا ماأبوسك
و(بوقك)عيان بفلوسك
خايف عليك ياحبيبي
(أعالجك) وإنت طبيبي
أصرف عليك من جيبي
وأبيع حتى (الدكان)
غزال . وشرب الدخان
جات (التحاليل) سلبية
وخايف المرة الجاية
الحلو أبوخد وشامة
مايسمع حتى (ملامه)
يهجرني بألف سلامة
ويشرب (شيشة) كمان
غزال . وشرب الدخان
مش خايف م السرطان
زجل
ونقدساخر
لحربي علي
شاعرالسويس
ليست هناك تعليقات:
إرسال تعليق