قصة قصيرة
ليه كدا داانتي مراتي
هي حصلت تلبسيني قضية
ألاقي المحضر قدامي بينادي
ويخبط ياخد تعهد عليا
يمضيني علي حضوري
والتواجد بدري الصبحية
عندي جلسة ووجودي ضروري
شخصيا وبصفة رسمية
يعني رافعة قضية خلع
كل دا عشان مرضت شوية
دا أنا حأخلعك ضلع ضلع
قبل ماتورثيني وتشمتي فيا
أنا علي كدا قليل البخت
إني إتجوزت علي مراتي الأولانية
ياما طلبتي وجبتلك حمام وبط
أما أعيا تقلبي عليا
بتخرجي وتقفلي عليا الباب
ياظالمة ياجاحدة يامفترية
ليه خليتي حياتي معاكي هباب
مع إنك عايشة عيشة هنية
ووهمتي روحك إنك ف عذاب
أصلك ماصونتيش العشرة وغبية
نسيتي نفسك دانتي كنتي بقبقاب
وأمطة علي راسك وجلابية
شوفي لبسك وإفتحي الدولاب
تلاقي البارفاة والماركات اللي هي
دا غير بإسمك كام عربية
كل دا عشان مرضي زاد وطال
و أصلا مضيلك علي شيكات بنكية
حأوقف التوكيل ف الحال
أخرجي من بيتي يا وصولية
أنا بيكي قلبي إنشغل و مال
ونسيت كبر سني
وظلمت معايا مراتي الوفية
كانت سبب هنايا وصانت ولادي
وربتهم أحسن تربية
إستحملت ظلمي وبعدي
وعمرها ماإشتكت و دعت عليا
أنا راجع لبيتي وأنا فرحان
وقبلها لهم حأكتب وصية
وحطلقك وأنا مش ندمان
من فجرك عقلي خلاص رجع ليا
تمت
# عقلي_ رجع ليا
# بقلمي عزة حزين
Azza Hozayen
ليست هناك تعليقات:
إرسال تعليق