فارس أحلامي جاني ف منامي
وقاللي هاتي إيديكي
نفسي أبوس عينيكي
قلت إزاي؟؟؟؟
قاللي أنا من زمان باصص عليكي
دخلتي قلبي عجبتيني
عجبني أسلوبك وكلامك
عايز أأقرب عايز أتقرب
وأنا من شوقي للكلمة الحلوة
للنفس الهادية للسرية
مديت إيديا ووافقت
وقربت م الحنية
وكلام م القلب للقلب
صدقته وصدقت كلامه
ومشيت ورا حلمي
اللي أنا عارفة إنه حلم
بس كان نفسي فيه
وماكانشي قدامي غير نور عينيه
حبيته وعشقته
وعشقت كلامه وصدقته
كل دقة قلب كانت لسيرته
وعيشت أيام وساعات
من أجمل الأوقات ف حياتي
مرة وفجأة بطل يلاغيني
بأسلوبه الناعم اللي بيغريني
سألت عليه
ولا بيرد
كلمت عينيه وكانت بتصد
إتوسلتلها وقولتلها
أنا حبيته أنا إتعودت عليه
بلاش يحرمني من نور عينيه
م الكلمة الحلوة من لمسة إيديه
ياحبيبي رد عليا
دا الشوق مالي قلبي وعينيا
إنت فين؟ طب إقرا اللي إنكتب
قوللي مالك؟ إيه اللي جرالك؟
أنا زعلتك؟ طب زعلتك ف إيه؟
حقك عليا دا دموعي
سايلة ماليه عينيا
بعد ماإتعودت عليك
وإتعودت منك الحنية ليه تقسي عليا!!!
ليه الجفا؟؟ يانني عينيا
عارفة إنه حلم وإنكتب عليا أعيشه
وحيبقي ذكري غالية من حبيب
حبني ورجعلي قلبي اللي إنداس عليه ومات من قلة الحنية
طب حد يفهمه إني بشر إني إنسان
حبيت الحنان والدفا اللي كان
بأعتب عليك يازماني ليه قربته
ليه هويته ليه بعاده ليه عناده؟؟؟
فجأة تفاجئني وتبعدني ذنبي إيه؟؟
من غير غدر ومناهدة ليه بتصدمني؟
حأنسحب بهدووء ومن غير فضول
خلص الكلام المعسول
خلصت المحايلة
مافيش خلاااص قبول
# مافيش قبول
# بقلمي عزة حزين
ليست هناك تعليقات:
إرسال تعليق